مهزلة العنابي أمام الياباني ..

السلام عليكم

أكتب الموضوع قبل نهايه المباراه بـ ربع ساعه .. لأنه مثل ما يقولون " الجواب مبين من عنوانه" ...

ولا فرصه للمنتخب القطري طول المباراه .. بدون مبالغه ولا فرصه ...
الجمهور ما قصر .. حضور كبير .. و الدولة ما قصرت .. داعمتهم دعم لا محدود .. لكن ولا شوته وحده على المرمى لعيون هالجمهور الكبير ! و فوق هذا ثلاث اهداف!!!

ميــــــــــتسو
انا مب من النوع من الكتاب اللي يرمي كل شي على المدرب و الحكم ... هالنوعيات خلاص صارت مكشوفه ..

بس يوم يكون الاداء بهالطريقه !! الواحد ما يقدر ينتقد الا المدرب ..

يعني في مباراه البحرين .. وصل البحرين للمرمى و اضاع فرص ... لكن استراليا سرقت الفوز .. هنا ما تلوم المدرب .. تلوم الفريق و اللاعبين .. لكن يوم ماتنشات ولا كوره على مرمى اليابان .. هنا يكون في خلل فني يتحمله المدرب!

ميتسو بعد كاس الخليج ( و اللي كان لعامل الارض و الجمهور فيه الشيء الكثير) لم يقدم شي الا الخسارات ..

اليوم تذكرت كاتب في جريدة الوطن و الله مدري وش اسمه حتى .. في الصفحه الاولى كاتب الحبيب ..ان مدرب العنابي فوساتي اللي ترك المنصب بعد مباراه البحرين مدرب فاشل و لا يوازي طموحات العنابي و ما ينفع يدرب في حواري و انه هرب من المنتخب يوم جد الجد ...هذا كلامه مب كلامي ... و يضيف ان ميتسو هو الافضل و هو اللي يناسب طموحات العنابي هذا المدرب العالمي و و و و و ...

ياخي من مكارم الاخلاق انك تقدر المدرب اللي وصل العنابي لمرحله ما كانو يحلمون يوصلونها و هي التصفيات النهائيه .. لا و فوق هذا حطهم بمراكز متقدمه بفوز مقنع و تعادل بمستوى جيد..

لكن ميتسو "العالمي" وش شفنا منه ؟!؟!

المدرب فوساتي عاش مع العنابي .. و يعرفه زين .. صحيح انه استقال لأسباب صحيه ..لكن اعتراضي بس على هالكاتب اللي كاتب بالصفحه الأولى انه فوساتي مدرب حواري و ميتسو "عالمي"
يا زين الاخلاق بس ..
مدرب الحواري اقصى العراق من التصفيات و أهل العنابي لهالمرحله المهمه و قدم على الاقل اداء جيد في أغلب مبارياته...



هاردلك الخساره .. مب قصدي ازيد المواجع .. بس حره و قهر بداخلي